叶鸿辉：「足球已经系我生活中不可分离嘅一部分！」
发布日期: 2024-12-16
【为港足第100次上阵】
34岁嘅叶鸿辉（阿辉）自09年首次为港足把关，代表港足近15载，更喺早前东亚杯外围赛迎战蒙古队达成第100次上阵国际赛嘅里程碑，为香港足球创下历史。足球于佢嘅意义，非比寻常：「去到呢一刻我人生有一半嘅时间都系一名足球员，足球已经系我生活中一个不可分离嘅部分。」
一直以嚟经历过大大小小嘅比赛，呢位门神一直保持住对胜利嘅执着，同埋对足球嘅坚持不懈，一切都源自于佢对足球呢项运动嘅热爱：「如果唔钟意依一个运动，绝对唔可以喺依个项目入面维持咁耐。」
（图片来源：叶鸿辉社交平台）
回顾15年港足生涯，对阿辉嚟讲，难忘时刻比比皆是：「包括2009年东亚运夺金、第一次代表港队踢A级赛(2010年对日本)、同埋今年年头参加卡塔尔亚洲杯决赛周，全部都系好深刻同难忘嘅赛事，每一场都令我更加成长。」
（图片来源：叶鸿辉社交平台）
近年香港足球界有唔少新人抬头，佢亦寄语年轻球员要好好为自己订立一个实际嘅目标：「订立目标之余，亦需要每时每刻都保持力求进步嘅心态，遇到挫折唔好太易放弃。」每一步都系新嘅起点，期待阿辉继续keep住状态，为香港队贡献更多力量！
相关文章：港超联2024/25赛季最精彩的煞科战，理文、大埔兵分两路争冠军！细数历届港超联最标志性赛事
相关文章：当足球成为职业赛事：你不可不知的港超联背景、历史故事及影响
相关文章：陈嘉豪：「每一个成功嘅扑救，驱使着我对足球坚持嘅热情。」
相关文章：颜卓彬：「面对挑战，系对足球嘅热爱令我一直坚持。」
相关文章：基哥利：「足球系我生命嘅意义。」
相关文章：陈肇钧：「足球嘅竞争性改变咗我整个人生。」
港超联
港足
人物专访
港队